جديد كرومبو ....كرومبو ....مع المفتش كرومبو -1

اهلا بيكم يا كل اعضاء المنتدى الكرام
النهارده معاكم واول حلقات المفتش كرومبو فى المنتدى
******************************************
2كيلو البرتقان بتوع بهجت علنياتو اتسرقوا يا رجاله

كان بهجت علنياتو راجع من الشغل ومعاه اتنين كيلو برتقان بصرهجايبهم للاولاد
وبعدين وهو داخل باب البيت شاف مدخل العماره ضلمه
فحط الكيس اللى كان معاه على الارض ودخل عشان يفتح النور
ولما خرج ملقاااش 2 كيلو البرتقان ابو صره


وشك فى واحد من التلاته اللى كانو واقفين جنب البيت
الاول
محمود البقال
واللى كان واقف بيرش ميه قدام المحل
والتانى
شحاته الانف
واللى كان واقف بيتكلم فى الموبايل
والتالت
سعيد السحليه
واللى كان مستنى اخوه زكى الصرصار عشان رايحين مشوار

ولما سئلت

محمود البقال قال
انا كنت برش ميه قدام المحل عشان الجو كان برد وجالى زبون ووقفت اتكلم معاه ومشفتش اى برتقان فى المكان

وشحاته الانف قال

انا كووووونت بتكلم فى الموبايل ومش سامع غير واحده بتقولى يرجى اعاده شحن رصيدكم وكنت بسئلها ليه؟؟

وسعيد السحليه قال
انا لاشفت برتقان ولا بطيخ وبعدين اتنين كيلو برتقان بصره ايه دا اللى زعلانين عليه دا حتى طعمه مكنش حلو
***************************
انا دلوقتى عرفت مين اللى سرق البرتقان بتاع بهجت علنياتو
لو انت كمان عرفت قووووووووووولنا هو مين
1محمود البقال
2شحاته الانف
3سعيد السحليه
**************************
وابقو قابلونى فى الحلقه الجايه مع تحيات المفتش
كروووومبو

ههههههههههههههههههه
انا برضو هسرق برتقان يا رحمه ؟

ههههههههههه ماشى يا ستى

على العموم اللى سرق البرتقان هو سعيد السحليه

بس انا زعلان ان مفيش مشاركه فى الموضوع

كان نفسى يكون فى مشاركه

عشان نعمل حلقات كتير

ليه يبنى مش هتعمل حلقات كتير ليه

فى الاخر كلو بيقول انا اللى كلت البرتقان
والله ما انا يا جماعه

ههههههههههههههههههههههه