موقفين جامدين قوى حصلولى............بس محدش يضحك عليا
2 مشترك
صفحة 1 من اصل 1
موقفين جامدين قوى حصلولى............بس محدش يضحك عليا
هحكيلكم موقفين جامدين قووى حصلولى
بس يا ريت يعنى محدش يضحك عليا
او اللى هيضحك يضحك من غير صوت
الموقف الاول
((((((((((((((((((((((((((((((((((((
كنت راكب عربيه عادى زى كل يوم ورايح الكليه.........زى ما الناس كلها بتعمل
وكان واحد قاعد جنبى وجنبه بنت
عربيه سوزوكى عادى
المهم عشان مطولش عليكم انا لما بكون قايم من النوم ببقا مش شايف قدامى ولا ورايا
فا انا بصيت على البنت اللى قاعده دى و فتكرتها وحده اعرفها
نفترض مع بعض مثلا.............مثلا يعنى ان اسمها ياسمين
لانى مش هينفع طبعا اقول اسمها
المهم طبعا سى السيد لازم يعمل ايه؟؟؟؟؟؟
ايوووووووووووووووووووون عليكم نور
لازم انا اللى ادفع الاجره وفعلا طلعت فلوس وبتاع ودفعت
وبصوت عااااااااااااااااالى
خد لو سمحت يا بشمهندس معاك اتنين
وبصيتلها وقلتلها خلاص يا ياسمين
قالتلى لا مش هينفع وبتاع ومش عارف ايه
وانا بقا ازاى مينفعش.........قولتلها خلااااااااااااااااص يا يااااااااسمين
قالتلى بس انا مش ياسمين
قلتلها نعم؟؟؟
قالتلى انا مش ياسمين
طبعاااااا انا شكلى بقا عامل زى الفانله الحملات
والبريستيج راح ومرجعش
قلتلها انتى مش ياسمين
قالتلى اه مش ياسمين
قلتلها ماشى
طب هات ياسطى الفلوس .......انا اسف يا انسه فكرتك حد اعرفه
بس كاااااان منظرى فوووووووووق التحفه فى العربيه
وروحت الكليه وجيت وانا همووووووووووووت من الغيظ
قال انا مش ياسمين قال
ولا انا احمد
((((((((((((((((((((((((((((((((((((((((((((((((
ههههههههههههههههههههههههههههههههه
الموقف التانى برضه مسخره
كنت راكب فى العربيه ومروح
برضه عربيه ....مش عارف ايه حكايه العربيات معايا
المهم
راكب فى ااااااااااااخر كرسى ورا خالص جنب الشباك
وطبعا الاجره ومش عارف ايه
انا مكنش معايا غير خمسه جنيه ماسكه بس فى جيبى
والاجره نص جنيه عادى
جيت بطلع الخمسه جنيه........وبنطلون جينس وبتاع
الفلوس محشوره جوه خالص
مش عاوزه تطلع
المهم بعد خناقه كبيره مع الخمسه جنيه
وعمال امد ايدى وادور عليها يمين وشمال
بس مسكتها فى الاخر
وجيبت بطلعها
اتقطعت
لاقيت نص بس اللى طالع من الخمسه جنيه
والنص التانى لسه فى جيبى
ومعيش فلوس غيرها
ومفيش ولا واحد اعرفه فى العربيه يدفعلى
المهم فضلت قاعد ماسك الخمسه جنيه المقطوعه فى ايدى وخايف اتكلم
ههههههههههههه
والناس لمت الاجره وخلاص والتباع طبعا بصوته الجميل المعروف اللى عامل زى صوت الحمار
فى وااااااااحد مدفعش يا جماعه
يا جماعه ناقص نوووووووووص جنييييييييييييه
وانا قاعد مش عارف اعمل ايه
وكان فى واحد جنبى ......راجل حوالى حاجه واربعين سنه كدا
نايم يا عينى شكله جاى من الشغل مقتول
رحت مصحيه
يا حاج ........يا حاج
راح قايم
فى ايه يبنى
قلتله بعد ازنك بس انا عاوز نص جنيه ادفعه عشان الفلوس اتطعت ومش عارف اعمل ايه؟؟
راح متتاااااااااااااوب
وقالى عادى يبنى بتحصل معانا كتير
وراح دفعلى الاجره
وطبعا انا هعيط من الموقف
لالالالالالالالالا وايه
الموبايل كمان مش سايبنى فى حالى
فى نص السكه كدا
الراجل كان نايم
راح الموبايل بتاعى رن
وانا كنت حاطط نغمه ايه بقا
انا هعمممممممممممممممممممممممممل فيك جميله عارفاك قليل الحيله بتاعت ياسمين
الراجل صحى على الصوت وبصلى بصه
وكئنه بيقول فى باله
يعنى معاك موبايل
وهعمل فيك جميله ومش عارف ايه
ومعكش اجره المواصلات
اتفو عليك
طبعا هو مقالش كداااااا بس انا حسيت كداااااااااااا
وراح نايم تانى
____________________________________________
ههههههههههههههههههههههههههههههههههههههههههه
شكلى كان وحش صح؟؟؟
بس فعلا يا جماعه الموقفين دووووول حصلولى والله
مش بنتش عليكم
بس ايه رايكم
؟؟؟؟؟؟؟؟؟؟؟؟؟؟؟؟؟؟؟؟؟
منتظر التعليقات السخيفه
هههههههههههههههههههههههه
برنس الليالى
رد: موقفين جامدين قوى حصلولى............بس محدش يضحك عليا
هههههههههههههههههههههههههههههههههههههههههههههههه
لاء حلوه المواقف دى ياريت تحصلك دايما
ياسلام لو تصادف واطلع انا فى العربيه وتتخيلنى ياسمين
رد: موقفين جامدين قوى حصلولى............بس محدش يضحك عليا
بعينى كدا ماشى
طب يارب يارب يارب كمان مره الفلوس تتقطع دايما معاك
وتتخيل الناس كلها نرمين مش ياسمين
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى